Wasaaradda caafimaadka Soomaaliya ayaa maanta shaacisay tiro cusub oo cudurka COVID-19 laga helay 24-kii saac ee lasoo dhaafay.
81 qof oo cusub ayaa laga helay cudurka, sida ay shaacisay Wasiirka caafimaadka xukuumadda Soomaaliya Fowsiya Abiikar, iyadoo goobaha kiisaska laga diiwaangeliyey ay kala yihin:
Benadir: 44
Jubaland: 24
Somaliland: 5
Puntland: 6
Hirshabelle: 2
Bukaannda cusub ee la shaaciyey ayaa 50 waxay yihiin rag halka 31-na ay yihiin haween, sida ay wasaaraddu sheegtay.
5 qof ayaa sidoo kale ka boqsootay cudurka, mana jiro bukaan u geeriyooday 24-kii saac ee lasoo dhaafay, sida ay sheegtay wasaaradda.
Tirada guud ee laga helay ayaa ah 1170, waxa bogsaday 126, dhimasho cusub lama soo sheegin, waxayna geeridu mareysaa 52 qof.