Hadhwadaag(Hargeisa):-Wasiirkii hore ee wasaarada madaxtooyada somaliland Maxamuud Xaashi Cabdi ayaa kulan balaadhan la qaatay qaar ka mid ah dhalinyarada haldoorka ah ee magaalada Hargeysa.
|
||
Kulankan oo ka qabsoomay Hotel Star Box ee magaalada Hargeysa ayaa siyaasi Maxamuud Xaashi uu xog waraysi balaadhan kula yeeshay dhalinyarada uu kula kulmay magaalada Hargeysa.
Dhalinyaradan uu la kulmay Maxamuud Xaashi oo ka soo kala jeeday degmooyinka 26-ka June iyo Ibraahin Koodbuur ayaa qayb ka ah kulamada uu siyaasi Maxamuud Xaashi hadyo jeer la qaato dhalinyarada taageersan maadama oo uu dedaal ugu jiro sidii uu hogaaminta xisbiga Kulmiye ugu guulaysan lahaa.
Sidoo kale kulankan ayaa ka mid ah dedaalada uu ku muujinayo taageerada uu ku leeyahay bulshada somaliland isaga oo halgan ugu jira sidii uu ugu guulaysan lahaa hogaaminta xisbiga Kulmiye maadaama oo dhawaan la qaban doono shirweynihisii afaraad.